Tramp İrana məktub göndərdi
İranın xarici işlər naziri Abbas Əraqçı, ABŞ prezidenti Donald Trampın ölkənin ali rəhbəri Əli Xameneiyə məktub göndərdiyini bildirib. Əraqçı, jurnalistlərlə mətbuat konfransında verdiyi cavabda, məktubun hələ İran tərəfinə çatmadığını qeyd edib.
O, məktubun tezliklə ərəb ölkələrindən birinin Tehrandakı nümayəndəliyindən İran hökumətinə çatdırılmasının gözlənildiyini söyləyib.
Crossmedia.az xarici KİV-ə istinadən xəbər verir ki, məktubun məzmunu ilə bağlı hələ də açıqlama verilməyib.
Xatırladaq ki, ABŞ və İran arasında gərgin münasibətlər davam edərkən, belə bir məktubun göndərilməsi diqqət çəkib.
15:47 12.03.2025
Oxunuş sayı: 597
