İlon Mask Trampın siyasi təşkilatına 100 milyon dollar qoymağı planlaşdırır
ABŞ hökumətinin işinin səmərəliliyinin artırılması üzrə departamentə (DOGE) rəhbərlik edən amerikalı iş adamı İlon Mask, ABŞ Prezidenti Donald Trampa bağlı siyasi təşkilata 100 milyon dollar yatırmağı planlaşdırır. Bu barədə The New York Times (NYT) qəzeti mənbələrə istinadən məlumat yayıb.
Crossmedia.az xarici mediaya istinadən xəbər verir ki, son günlər Mask və Trampın tərəfdaşları iş adamının ABŞ liderinin nəzarətində olan qrupa edəcəyi ianə ilə bağlı danışıqlar aparıblar. Nəşrin yazdığına görə, Mask Ağ Ev əməkdaşları arasında ilk şəxs olacaq ki, ABŞ prezidentinin xarici siyasi təşkilatına bu qədər iri məbləğdə vəsait ayırsın.
Hazırda Maskın bu planı həyata keçirib-keçirmədiyi bilinmir.
Nə iş adamı, nə də Ağ Ev məsələ ilə bağlı şərh verməyib.
Zeynəb Yunuszadə
04:50 13.03.2025
Oxunuş sayı: 692
