Ciddədə keçirilən danışıqlarda Zelenskinin istefası müzakirə olunmayıb
Səudiyyə Ərəbistanının Ciddə şəhərində keçirilən danışıqlarda Ukrayna Prezidenti Vladimir Zelenskinin istefası və ölkədə seçkilərin keçirilməsi məsələsi müzakirə olunmayıb. Bu barədə Fox News kanalının jurnalisti Nana Sadjaya məlumat verib.
“Müzakirələrə birbaşa cəlb olunmuş mənbə bildirib ki, nə seçkilərin keçirilməsi, nə də Prezident Zelenskinin istefası Ciddədə müzakirə olunmayıb”, – deyə o, sosial şəbəkə platforması X-də yazıb.
Crossmedia.az xarici mediaya istinadən xəbər verir ki, martın 11-də baş tutan və doqquz saat davam edən görüşdə ABŞ və Ukrayna nümayəndə heyətləri iştirak edib. Danışıqların yekununda Kiyev 30 günlük atəşkəsə razılıq verib və onun uzadılma ehtimalını nəzərdən keçirməyə razılaşıb.
Zeynəb Yunuszadə
13:21 12.03.2025
Oxunuş sayı: 4443
