Bakıda əfsanəvi kəşfiyyatçı Şamil Süleymanovun 90 illik yubileyi qeyd olunub
Azərbaycanın Dövlət Təhlükəsizlik Xidmətinin Mədəniyyət Mərkəzində əfsanəvi kəşfiyyatçı, ehtiyatda olan polkovnik, Azərbaycan Yazıçılar İttifaqının üzvü Şamil Süleymanovun 90 illik yubileyinə həsr olunmuş tədbir keçirilib. Tədbir “Alyans” Azərbaycanın xüsusi xidmət orqanları veteranlarının İctimai Birliyi tərəfindən təşkil olunub.
Crossmedia.az xəbər verir ki, açılışda “Alyans” Azərbaycanın xüsusi xidmət orqanları veteranlarının İctimai Birliyinin sədri Fəxri Abbasov Şamil Süleymanovu bu əlamətdar hadisə münasibətilə təbrik edərək, bu sahənin inkişafında və ölkənin təhlükəsizliyinin təmin olunmasına böyük töhvələr vermiş Süleymanovun xüsusi xidmət orqanlarında keçdiyi şanlı yoldan söz açıb.
60-cı illərin əvvəllərindən başlayaraq Şamil Süleymanov Azərbaycan SSR-nin Dövlət Təhlükəsizlik Komitəsinin əks-kəşfiyyatında işləyib. Şamil Süleymanovun fəaliyyəti haqda kitablar yazılıb, məqalələr dərc olunub, onlarla sujet çəkilib. Amma onun ABŞ, İran, İsveç və digər ölkələrdəki uğurlu fəaliyyəti ilə bağlı serial çəkilsəydi, çox yaxşı olardı. Bəzi kəşfiyyat əməliyyatları barədə Şamil Süleymanov kitablar yazıb. Məsələn, Şamil Süleymanovun iştirakı ilə keçirilən “Moxol” əməliyyatının gedişində DTK-nin elmi-texniki kəşfiyyat üzrə əməkdaşları Amerikanın üzən yarıya qədər suda olan buruq üzrə sənədləri əldə edə biliblər. Məhz bunun sayəsində 80-ci illərdə Azərbaycanın ərazisində yarıya qədər suda olan neft platformaları tikilib, Dərin Özüllər Zavodu yaradılıb, daha sonra isə bu, Azəri-Çıraq-Günəşli və Şahdəniz neft yataqlarının kəşfi və istismarına imkan verib. Şamil Süleymanov DTK-dəki fəaliyyətini 1992-ci ildə başa çatdırıb. Təqaüdə çıxsa belə, aktiv fəaliyyətini davam etdirib, 2002-ci ildə “Alyans” İctimai Birliyinin yaradılmasında iştirak edib, uzun illər onun sədri olub.
Tədbirdə “Alyans” İctimai Birliyi, Azərbaycan Veteranları İttifaqı, Dövlət Təhlükəsizlik Xidməti və Xarici Kəşfiyyat Xidməti adından təbriklər səsləndirilib, fəxri fərmanlar təqdim olunub. “Alyans” İctimai Birliyinin üzvləri, xüsusixidmət veteranları Hamlet İsmayılov, Əliheydər Dadaşov, Ağalar Əliyev, Rəna Balaşzadə və başqaları xatirələrini bölüşüblər, Süleymanovun vətənin keşiyində keçirdiyi şərəfli xidmət yolunu vurğulayıblar.
Şamil Süleymanov xoş sözlərə görə minnətdarlığını bildirərək həyat və fəaliyyəti barədə danışıb, 35 ildən çox xüsusi xidmət orqanlarında çalışdığını, uğurlu əməliyyatlar həyata keçirdiyini və daim ümummilli lider Heydər Əliyevin tövsiyələrinə və təlimatlarını əsas tutduğunu vurğulayıb.
“Bütün fəaliyyətimi Heydər Əliyevin tövsiyələri əsasında qurmuşam və bu hər zaman uğur gətirib. Bizimlə dərs keçmək, səhvlərimizi göstərmək, tövsiyə vermək lazım gələndə Heydər Əliyevin gücünə və vaxtına heyfi gəlməzdi. O, həmişə əməkdaşlarına dəyər verərdi, ən yaxşılarını seçirdi, ən istedadlılarını xidmətdə önə çəkməkdə kömək edərdi və beləcə ölkənin dövlət təhlükəsizliyini gücləndirmiş olardı. Belə əməkdaşlara hər zaman daha çətin tapşırıqlar verilərdi. Bunu fəxarətlə qeyd etmək istərdim ki, onların arasında mən də var idim. Həmin dövrdə mən bir il ərzində sıravi əməkdaşdan peşəkarlarla bərabər səviyyəyə qədər yüksəlmişdim. Mən uzun müddət ölkə xaricində işləmişəm və bu fəaliyyət tapşırıqların yerinə yetirilməsində maksimum diqqətcillik tələb edirdi.
Və hər dəfə, məhz Heydər Əliyevlə qazandığım iş təcrübəsinin sayəsində, qeyri-qanuni, siyasi və elmi-texniki sahələrdə ən yüksək səmərəliliklə işləyərək təkcə Azərbaycanın ərazisində deyil, həm də xarici ölkələrdə əks-kəşfiyyat və kəşfiyyat fəaliyyəti həyata keçirmişəm", – deyə yubilyar qeyd edib.
DTK onunla, o, Azərbaycan Sənaye İnstitutunun sənaye fakultəsinin son kursunda təhsil alarkən maraqlanmağa başlayıb. Komsomolçu, bədən tərbiyyəsi şurasının sədri, idmançı idi, ingilis dilində danışırdı, atası – böyük vətən müharibəsi veteranı idi. Möhtəşəm bioqrafiya idi! Lakin DTK-nın Belarusun Mogilyov şəhərindəki əks-kəşfiyyat məktəbinin ilk məzunlarından biri olan bu şəxs 250 kurs yoldaşı ilə birlikdə Xruşşov dövründə ixtisara düşdü. Ali təhsil ocağını bitirdikdən sonra işləməyə başlayıb. Neft sənayesində mühəndis işləyib. Amma tale onu dahi Heydər Əliyevlə üzləşdirib – sonuncu, həmin dövrdə əks-kəşfiyyat şöbəsinin rəhbəri idi, sonradan onun rəhbəri olub və gənc və perspektivli əməkdaşa iki nazirliyin - neft sənayesi və neft emalının kurasiyasını həvalə edib, ona agent heyətini yeniləməyi tapşırıb, və nəticədə uğurlu əməliyyatlar həyata keçirib.
21:47 11.03.2025
Oxunuş sayı: 1730
