Avropada Ukrayna üçün yeni təhlükəsizlik zəmanətləri təklif edilir
Avropada Ukraynanın müharibədən sonrakı təhlükəsizliyi məsələsi geniş müzakirələrə səbəb olur.
Crossmedia.az xarici KİV-ə istinad edərək bildirir ki, Fransa və Böyük Britaniya Rusiyanın Ukraynaya potensial yeni hücumuna qarşı operativ müdaxilə edə biləcək sürətli reaksiya qüvvələrinin yaradılmasını təklif ediblər.
Bu təklif çərçivəsində hərbi qüvvələr ağır silahlarla və geniş miqyaslı sursat ehtiyatları ilə təchiz ediləcək. Qüvvələrin məqsədi potensial təcavüz hallarını qarşısını almaq üçün silahlı müdaxiləni bir neçə saat və ya gün ərzində həyata keçirməkdir.
Eyni zamanda Qərb rəsmiləri atəşkəsin pozulması halında Rusiya obyektlərinə dərhal zərbə endirilməsi imkanını da müzakirə edirlər. Bu təkliflər Ukraynanın təhlükəsizliyini təmin etmək və regional sabitliyi qorumaq məqsədilə irəli sürülən yeni həll yolları kimi qiymətləndirilir.
Mədinə Cəlilova
16:35 11.03.2025
Oxunuş sayı: 9288
