Sandu: 2030-cu ilin sonuna kimi Aİ-yə üzvlük məqsədinə nail olacağımıza ümid edirik
Avropa İttifaqı (Aİ) Moldova ilə tam üzvlük danışıqlarına 2024-cü ilin iyununda, müraciət tarixindən iki ildən az bir müddət sonra başlayıb.
Moldova Prezidenti Maia Sandu bazar ertəsi Parisə səfəri zamanı ölkəsinin 2030-cu ilin sonuna qədər Aİ-yə üzvlük məqsədinə çatacağına ümid etdiyini bildirib.
Crossmedia.az xarici mediaya əsasən bildirir ki, Parisdəki Yelisey sarayında Fransa Prezidenti Emmanuel Makronla görüşən Sandu, “Aİ-yə üzvlük sadəcə məqsəd deyil. Bu, daha güclü ölkəyə aparan yoldur”, – deyə qeyd edib.
Makron Rusiyanın Ukraynaya qarşı işğalçı müharibəsi və onun Avropa Birliyinə qəbul prosesi kontekstində Fransanın Moldovaya dəstəyini bir daha vurğulayıb.
Sandu Fransa Prezidentinə səmimi təşəkkürünü bildirib və əlavə edib ki, Moldova biznes üçün açıqdır və bu, təkcə Fransanın deyil, bütün Aİ-yə üzv dövlətlərin xeyrinə olacaq.
Zəhra Ağayeva
14:44 11.03.2025
Oxunuş sayı: 11657
