Deputat: Azərbaycanın mənafeyindən çıxış edən əcnəbi ekspertlər erməni diasporunun təqibinə məruz qalır
Azərbaycanın mənafeyindən çıxış edən əcnəbi ekspertlər erməni diasporunun təqibinə məruz qalır.
Crossmedia.az xəbər verir ki, bunu Milli Məclisin deputatı Fariz İsmayılzadə martın 10-da parlamentdə “Qərbi Azərbaycana qayıdış prosesində QHT-lərin rolu” mövzusunda keçirilən ictimai dinləmədə deyib.
Onun sözlərinə görə, həmin ekspertlər Azərbaycanda və xarici ölkələrdə keçirilən tədbirlərdə iştirak edirlər:
"Erməni diasporu da onların çalışdığı universitetlərə məktublar yazır, kafedrasını bağlayır və s. Ona görə də əcnəbi dostlarımızı, ekspertlərimizi xarici səfirliklər yolu ilə qorumalıyıq”.
Deputat həmçinin Qərbi Azərbaycanla bağlı qayıdış prosesinə simpatiya qazandırmağın zəruri olduğunu söyləyib:
"Tarixdə deportasiyaya məruz qalan və öz doğma torpaqlarına qayıdan xalqları nümunə göstərmək mümkündür. Xarici auditoriyalarda, xarici universitetlərdə elmi məqalələrə ciddi yanaşırlar. Biz gərək elmi məqalələrimizin, araşdırmalarımızın sayını artıraq. Eyni zamanda xarici universitetlərdə elmi kafedralar təsis etməyə çalışmalıyıq".
13:10 10.03.2025
Oxunuş sayı: 7125
