Gündəm
Azad olunan ərazilərdə daha 138 mina aşkarlanıb
Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə icra olunan əməliyyatlar barədə həftəlik məlumatı açıqlayıb.
Crossmedia.az ANAMA-ya istinadən məlumat verir ki, martın 3-dən 9-nadək Tərtər, Ağdam, Füzuli, Şuşa, Qubadlı, Cəbrayıl və Zəngilan rayonlarının ərazilərində aparılmış əməliyyat-axtarış tədbirləri zamanı piyada əleyhinə 90, tank əleyhinə 48 mina və 605 ədəd partlamamış hərbi sursat aşkarlanıb.
Nəticədə 1365.3 hektar ərazi mina və partlamamış hərbi sursatlardan təmizlənib.
12:26 10.03.2025
Oxunuş sayı: 11202
