Rumıniyada Kalin Georgescunun namizədliyinin rədd edilməsinə etirazlar başladı
Rumıniyanın Mərkəzi Seçki Bürosu ifrat sağçı və prorusiyalı siyasətçi Kalin Georgescunun may ayında keçiriləcək prezident seçkilərində namizədliyini rədd edib. Crossmedia.az xəbər verir ki, bu qərar ötən ilin dekabrında Konstitusiya Məhkəməsinin Rusiya müdaxiləsi iddiaları səbəbindən 6 dekabr prezident seçkilərinin nəticələrini ləğv etməsindən sonra verilib.
Crossmedia.az-ın məlumatına görə, Mərkəzi Seçki Bürosunun qərarına etiraz olaraq Georgescunun tərəfdarları Buxarestdə aksiya keçirib. Narazı etirazçılar yerli Mərkəzi Seçki Komissiyasının binası qarşısına toplaşaraq polis qüvvələri ilə qarşıdurmaya giriblər.
Kalin Georgescu BEC-in qərarını “antidemokratik” adlandırıb və tərəfdarlarını sakitliyə çağırıb. O, hakimiyyəti azad və ədalətli seçkilərə imkan yaratmağa səsləyib.
Qeyd edək ki, Georgescu əvvəlki seçkilərdə gözlənilməz uğur qazanmışdı. Lakin həmin seçkilər Rusiya müdaxiləsi və qanunsuz maliyyələşdirmə iddiaları səbəbindən ləğv edilmişdi.
Fidan Xəlilova
11:10 10.03.2025
Oxunuş sayı: 8533
