Avropa İttifaqı qərarlaşdırdı - Rusiyaya təzyiqlər davam etdiriləcək
Avropa İttifaqının Londonda keçirilən sammitinə toplaşan liderlər Ukraynaya hərbi yardımı davam etdirmək və Rusiyaya iqtisadi təzyiqləri gücləndirmək barədə razılığa gəliblər. Bu barədə görüşdən sonra Böyük Britaniyanın Baş naziri Keir Starmer bildirib.
"Bu gün vacib addımlar atmaq barədə razılaşdıq. Birincisi, biz Ukraynaya hərbi yardım göstərməyə davam edəcəyik və Rusiyaya qarşı iqtisadi təzyiqləri artıracağıq ki, Ukraynanı daha da gücləndirək," – deyə o bildirib.
"İkincisi, biz razılaşdıq ki, hər hansı davamlı sülh Ukraynanın suverenliyini və təhlükəsizliyini təmin etməlidir və Ukrayna danışıqlar masasında olmalıdır. Üçüncüsü, əgər sülh sazişi əldə olunarsa, biz Ukraynanın müdafiə qabiliyyətini gücləndirməyə davam edəcəyik ki, gələcəkdə istənilən işğalın qarşısını ala bilsin. Dördüncüsü, biz daha da irəli gedərək Ukraynadakı sülh razılaşmasını müdafiə etmək və sülhü təmin etmək üçün 'istəyənlər koalisiyasını' inkişaf etdirmək üçün səylərimizi artıracağıq", – Starmer əlavə edib.
04:23 03.03.2025
Oxunuş sayı: 10258
