Britaniya Baş naziri: Amerikayla əməkdaşlıq etməliyik
Britaniyanın Baş naziri Kir Starmer Londonda Ukrayna sammitindən sonra Avropanın ehtimal olunan sülh sazişlərini nəzarətdə saxlayacaq "xoş niyyət koalisiyası" yaratmağı planlaşdırdığını bəyan etdi. Eyni zamanda o, Avropadakı bütün ölkələrin bunu dəstəkləməyəcəyini etiraf etdi.
"Biz Ukraynadakı sazişi qorumaq və sülhü təmin etmək üçün koalisiyanı daha da inkişaf etdirəcəyik. Bütün ölkələr töhfə verə bilməyəcək, lakin bu, bizim əllərimizi yanımıza salıb oturacağımız anlamına gəlmir. Əksinə, istəyənlər planlaşdırmanı indi və təcili şəkildə aktivləşdirəcəklər. Böyük Britaniya digər ölkələrlə birlikdə bu ideyanı quru texnikası və havadakı təyyarələrlə dəstəkləməyə hazırdır", - Starmer bildirib.
Böyük Britaniyanın baş naziri və ardınca Avropa Şurasının rəhbəri Koşta Ukraynada Minsk razılaşmalarının və ya "Əfqanıstan" ssenarisinin təkrarlanmasına yol verməməyə çağırdılar.
Bununla belə, hələlik sammitdə heç bir qərarın qəbul olunmadığı aydındır. NATO-nun baş katibi Rütte Avropanın hələ Ukraynaya təhlükəsizlik təminatlarını və sülh sazişinin parametrlərini işləyib hazırlamalı olduğunu bəyan edib.
Sonda o bəyan edib: "İndi Amerikayla əməkdaşlıq etməliyik. Biz razılaşdıq ki, çox yaxın zamanda ABŞ prezidentilə görüşəcəyik və birgə planımız yaranana qədər əməkdaşlıq edəcəyik. Bu, boş-boşuna danışmaq anı deyil. Bu, uzunmüddətli sülh üçün birləşmək anıdır".
00:02 03.03.2025
Oxunuş sayı: 1575
