Britaniyanın baş naziri şəxsən Zelenskini qarşılayıb və ona dəstəyini ifadə edib
Böyük Britaniyanın baş naziri Kir Starmer Ukrayna prezidenti Volodimir Zelenskiyə dəstəyini ifadə edərək, Londonun Kiyevə ehtiyacı olduğu müddətdə yardım göstərəcəyini vəd edib. Britaniya hökumətinin başçısı V.Zelenski ilə danışıqların başlamazdan əvvəl deyib.
"Böyük Britaniyada sizin tam dəstəyiniz var və nə qədər lazımdırsa, biz sizinlə və Ukraynanın yanında olacağıq", - deyə K.Starmer bildirib. O əlavə edib ki, Londonun məqsədi “Ukrayna üçün suverenlik və təhlükəsizliyə əsaslanan davamlı sülhə” nail olmaqdır.
Böyük Britaniyanın baş naziri ənənəni pozaraq qonağı öz iqamətgahının qarşısında gözləməklə kifayətlənməyərək, onu qarşılamağa gedib və qucaqlayıb. "Sky News"un məlumatına əsasən, Starmer beləliklə göstərdi ki, bir gün əvvəl Zelenskinin ABŞ prezidenti Donald Trampla mübahisə etdiyi rəsmi Vaşinqtondan fərqli olaraq London Kiyevin tərəfindədir.
23:56 01.03.2025
Oxunuş sayı: 10433
