BMT uyğur türklərinin deportasiyasını pisləyir
Birləşmiş Millətlər Təşkilatının Qaçqınlar üzrə Ali Komissarlığı (UNHCR) 40 uyğur türkünün Taylanddan deportasiya edilməsini pisləyib. Birləşmiş Millətlər Təşkilatının Qaçqınlar üzrə Ali Komissarlığı (UNHCR) uyğur türklərinin deportasiyası ilə bağlı Taylanddan yazılı açıqlama verib.
Bəyanatda 40 uyğur türkünün Taylandda 10 ildən artıq həbs mərkəzlərində qaldıqdan sonra deportasiya edilməsindən dərin kədər ifadə edilib və bu yanaşma pislənib.
Birləşmiş Millətlər Təşkilatının Qaçqınlar üzrə Ali Komissarlığının (UNHCR) Banqkokda saxlanılan bir qrup Uyğur türkü ilə bağlı yaxın zamanda onların deportasiya ediləcəyi barədə hesabatlar aldığı qeyd olunan açıqlamada bildirilib: "Birləşmiş Millətlər Təşkilatının Qaçqınlar üzrə Ali Komissarlığı (UNHCR) bu qrupa çıxış əldə etmək üçün dəfələrlə müraciət edib və geri göndərilmək qorxusunu ifadə edən bu şəxslərin deportasiya olunmayacağına dair Tayland rəsmilərindən təminat istəyib. Lakin belə bir çıxış təmin edilməyib və Tayland rəsmiləri ilə əlaqə saxlanıldıqda, onların deportasiyası ilə bağlı hər hansı bir qərarın qəbul edilmədiyini bildiriblər."
Bəyanatda bu qrupun saxlanması ilə bağlı narahatlıqların 2014-cü ildən bəri səsləndiyi bildirilir və Tayland hakimiyyətini humanitar vəziyyətlərini yaxşılaşdırmağa, həbsə alternativlər təklif etməyə və həyati və təhlükəsiz həll yolu axtarmağa çağırılır.
Şərhləri bəyanatda yer alan UNHCR-ın Mühafizə üzrə Ali Komissarının müavini Ruvendrini Menikdiwela bildirib ki, bu, geri qayıtmamaq prinsipinin və Taylandın beynəlxalq hüquq çərçivəsində öhdəliklərinin açıq şəkildə pozulmasıdır.
Menikdiwela "BMT-nin Qaçqınlar üzrə Agentliyi, Taylandı fərdlərin məcburi qaytarılmasına son qoymağa çağırır" ifadələrini işlədib.
Pərvin Hacıyeva
10:42 28.02.2025
Oxunuş sayı: 1513
