Misir və Rusiya xarici işlər nazirləri "Suriya və Qəzza"nı müzakirə ediblər
Misirin xarici işlər naziri Bədr Abdulati rusiyalı həmkarı Sergey Lavrov ilə “Suriyadakı inkişaflar və Qəzzanın yenidən qurulması”nı müzakirə edib.
Misir Xarici İşlər Nazirliyindən edilən yazılı açıqlamaya görə , Abdulati ilə Rusiya xarici işlər naziri Lavrov arasında telefon danışığı baş tutan görüşdə, Misir-Rusiya münasibətləri ilə yanaşı, Suriya və Qəzza zolağındakı son vəziyyət və regional inkişaflar müzakirə edilib.
Martın 4-də Qahirədə keçirilməsi planlaşdırılan Ərəb Liqası Zirvəsi üçün hazırlıqlara toxunan Abdulati Misirin yanvarın 19-da Qəzzada qüvvəyə minən atəşkəs rejiminin qorunması üçün səylərini davam etdirdiyini bildirib.
Qəzza zolağının fələstinlilərin məcburi köçürülməsi ilə nəticələnməyəcək şəkildə yenidən qurulmasına önəm verən Abdulati bildirib: "Misir olaraq, Qəzzadakı fələstinlilərin məcburi köçürülməsini rədd edirik və Fələstin məsələsi üçün ədalətli siyasi həllin qaçılmaz olduğunu bir daha vurğulayırıq."
Suriya məsələsinə toxunan Abdulati, Misir olaraq Suriya dövlətinə, onun suverenliyinə və ərazi bütövlüyünə dəstəklərini vurğulayaraq, Suriyanın regional sabitlik üçün önəmli olduğunu qeyd edib.
Trampın Qəzza üzərində nəzarəti ələ keçirmək və fələstinliləri məcburi köçkün vəziyyətinə salmaq planı
ABŞ prezidenti Donald Tramp fevralın 4-də Ağ Evdə İsrailin baş naziri Binyamin Netanyahu ilə birgə mətbuat konfransında ABŞ-ın Qəzza zolağının nəzarətinə keçəcəyini bildirib.
Qəzzanın artıq tam bir məhv bölgəsi olduğunu qeyd edən Tramp, Qəzzadakı fələstinlilərin qonşu ölkələrdə, xüsusilə Misir və İordaniyada tikiləcək yeni qəsəbələrə getmələrinin çox daha yaxşı olacağını müdafiə etdi.
Tramp həmçinin fələstinlilərin Qəzzanı tərk etməkdən başqa çarələrinin olmadığını iddia edib.
Pərvin Hacıyeva
10:31 28.02.2025
Oxunuş sayı: 3807
