Ananın övladına qarşı acımasız hərəkəti gündəm oldu
Rumıniyanın Buxarest şəhərində 33 yaşlı qadın bir yaşlı oğlunu yalınayaq qarda dayanmağa məcbur edərək çəkdiyi videonu TikTok-da paylaşıb.
Crossmedia.az xəbər verir ki, bu barədə Daily Mail məlumat yayıb.
Video sürətlə yayılaraq böyük etiraza səbəb olub və qadın uşaq zorakılığına görə araşdırma altına alınıb.
Atasına aid olduğu ehtimal edilən bir səs videoda “Soyuqdur, gör biz bu uşağa nə edirik” – deyə bildirir. Həmçinin, videoya “Onu Spartan edirəm” başlıqlı yazı da əlavə edilib.
Qeyd edək ki, bu hərəkətin Rumıniyanın ifrat sağçı siyasətçisi Călin Georgescunun tərəfdarları arasında yayılan bir tendensiyanın tərkib hissəsi olduğu bildirilir. Hadisə ilə bağlı hüquq-mühafizə orqanları araşdırma aparır.
Fatimə Məmmədova
01:26 28.02.2025
Oxunuş sayı: 9934
