ABŞ və Ukrayna arasında təbii sərvətlər haqqında müqavilə yekunlaşıb
ABŞ və Ukrayna arasında təbii sərvətlər haqqında müqavilə yekunlaşıb.
Crossmedia.az xəbər verir ki, tərəflər danışıqları başa çatdırıb və müqaviləni imzalamağa hazırdırlar. Sənədə əsasən, Ukraynada hasil edilən faydalı qazıntılar, neft və qaz gəlirlərinin 50 faizi ABŞ-Ukrayna fonduna yönəldiləcək. Bu vəsaitlər daha sonra ölkə iqtisadiyyatına reinvestisiya olunacaq.
Həmçinin müqavilə ABŞ və Ukrayna arasında daha əvvəl imzalanmış təhlükəsizlik təminatları sazişi ilə əlaqələndirilir. Sənədin qüvvəyə minməsi üçün Ukrayna Ali Radasının təsdiqi tələb olunur.
Qeyd edək ki, ABŞ-nin prezidenti Donald Tramp bildirib ki, artıq bu cümə günü Ukrayna prezidenti Volodimr Zelenski Vaşinqtona səfər edərək iqtisadi tərəfdaşlıq sazişini imzalaya bilər.
Fidan Xəlilova
20:36 27.02.2025
Oxunuş sayı: 1139
