Rumıniyada prezidentliyə namizəd saxlanıldı
Rumıniyada prezident seçkilərinin birinci turunda qalib gəlmiş ultrasağ namizəd Kalin Georgesku polis tərəfindən saxlanılıb.
Crossmedia.az xəbər verir ki, Georgesku bu gün yenidən namizədliyini irəli sürməyi planlaşdırıb. Lakin Ali Məhkəmə seçkilərin ikinci turunun bərpası ilə bağlı onun vəsatətini rədd edib. Qeyd edək ki, Georgesku birinci turda qalib gəlsə də, nəticələr ləğv edilib.
O, Avropa İttifaqına qarşı skeptik mövqeyi və Ukraynaya yardımlara qarşı çıxışı ilə tanınır. ABŞ-ın vitse-prezidenti JD Vens Münhen Təhlükəsizlik Konfransında ona dolayı yolla dəstək ifadə etmişdi.
Hadisə ölkədə siyasi gərginliyi artırıb və seçki prosesinə dair ciddi müzakirələrə səbəb olub.
10:10 27.02.2025
Oxunuş sayı: 877
