Avropa müdafiə texnologiyalarının gələcəyi üçün Ukraynaya üz tutur
Rusiyanın Ukraynaya müdaxiləsindən üç il ötür. Müharibənin davam etdiyi bu müddət ərzində Ukrayna təkcə döyüş meydanında deyil, həm də texnoloji sahədə də irəliləyişlər əldə edib.
Crossmedia.az xarici KİV-ə istinadən xəbər verir ki, ölkə BRAVE1 adlı müdafiə texnologiyaları təşəbbüsünü yaradaraq, hərbi innovasiyalara geniş yer ayırıb. Bundan əlavə, IT Arena kimi beynəlxalq texnologiya konfranslarına ev sahibliyi edərək müharibəyə baxmayaraq texnoloji inkişafını davam etdirib.
Ukrayna artıq süni intellekt əsaslı dron texnologiyalarında liderə çevrilib və Qərbin müdafiə sənayesi və investorları üçün mühüm mərkəz olub. Son illərdə baş verən hadisələr Avropa ölkələrinin Ukraynanın müdafiə sektoruna daha çox maraq göstərdiyini nümayiş etdirir.
Ekspertlər bildirirlər ki, Avropa indi anlayır ki, öz təhlükəsizliyini təmin etmək və gücləndirmək üçün Ukrayna ilə daha sıx əməkdaşlıq etməlidir. Müdafiə sahəsində bu yeni istiqamət gələcəkdə bölgədəki qüvvələr balansına ciddi təsir edə bilər.
Zeynəb Yunuszadə
16:15 25.02.2025
Oxunuş sayı: 1151
