Konqoda faciə: Üsyançılardan qaçan qayıq batdı, 22 ölü
Konqo Demokratik Respublikasının (KDR) Şimali Kivu əyalətində mülki vətəndaşları daşıyan qayıq Edvard gölündə çevrilib. İlkin məlumatlara görə, hadisə nəticəsində 22 nəfər həyatını itirib, 8 nəfər sağ qalıb.
Crossmedia.az xarici KİV-ə istinadən xəbər verir ki, qəzanın həddindən artıq yüklənmə səbəbindən baş verdiyi ehtimal edilir. Hazırda axtarış-xilasetmə işləri davam edir.
Son həftələrdə ölkənin şərqində şiddətlənən qarşıdurmalar minlərlə insanı təhlükəsiz bölgələrə getməyə vadar edib. BMT-nin məlumatına görə, ilin əvvəlindən bəri 500 mindən çox insan məcburi köçkün vəziyyətinə düşüb.
KDR-nin şərqində 23 Mart Hərəkatı (M23) üsyançıları təhlükəsizlik qüvvələri ilə mübarizəni davam etdirir. Son toqquşmalarda ölənlərin sayı 3000-ə yaxınlaşıb.
01:32 24.02.2025
Oxunuş sayı: 4540
