Amerikalı nazir: "Trampın təzyiq siyasəti İranı diz çökdürəcək"
ABŞ-ın daxili işlər naziri Duq Berqum prezident Donald Trampın İrana qarşı “maksimum təzyiq” siyasətinin davam etdiriləcəyini bəyan edib.
Crossmedia.az xarici mediaya istinadən xəbər verir ki o, Trampın əvvəlki prezidentliyi dövründə atdığı addımları təkrarlayacağını və bunun İslam Respublikasını ciddi çətinliklərlə üzləşdirəcəyini vurğulayıb.
Berqum bildirib ki, Trampın siyasəti İran iqtisadiyyatına sarsıdıcı zərbə vuracaq və rejimin əsas dayaqlarını zəiflədəcək.
"Tramp İrana qarşı tam maksimum təzyiq tətbiq edəcək. O, birinci dövründə həyata keçirdiyi strategiyanı yenidən icra edəcək. Bu siyasət təkcə İranın maliyyə sistemini deyil, həm də ayətullahların mövqeyini zəiflədəcək və onları diz çökdürəcək", – deyə Berqum vurğulayıb.
17:31 23.02.2025
Oxunuş sayı: 7747
