Rusiya qanunsuz miqrantları ölkədən çıxarır - TARİX
Fevralın 5-dən Rusiya Federasiyasında miqrasiya siyasətinin təkmilləşdirilməsi ilə bağlı dəyişikliklər qüvvəyə minəcək.
Crossmedia.az xəbər verir ki, bu barədə Dövlət Dumasının spikeri Vyaçeslav Volodin məlumat verib.
"Qanunsuz miqrantların ölkədən çıxarılması prosedurunu müəyyən edən qanun qüvvəyə minəcək. Rusiya Federasiyasının qanunvericiliyinə əməl etməyən və ya burada qanuni yaşamaq hüququnu itirmiş şəxslər ölkəmizdə olmamalıdırlar".
Volodin onu da qeyd edib ki, fevralın 5-dən etibarən Rusiya Federasiyasına giriş-çıxışla bağlı müəyyən edilmiş qaydaların pozulmasına görə inzibati məsuliyyət tətbiq olunacaq.
15:49 01.02.2025
Oxunuş sayı: 486
