Əmək və sosial siyasət
“Məşğulluğa Dəstək Layihəsi” ilə bağlı ictimai dinləmə keçirilib
- Əmək və Əhalinin Sosial Müdafiəsi Nazirliyi tərəfindən Dünya Bankının maliyyə dəstəyi ilə icra olunan “Məşğulluğa dəstək” layihəsi barədə növbəti ictimai dinləmə Şabran rayonunda təşkil edilib.
- Crossmedia.az Nazirliyə istinadən xəbər verir ki, işaxtaran və işsiz, o cümlədən öz biznesini qurmaq istəyən şəxslərin iştirakı ilə baş tutan görüşdə layihənin hədəf və məqsədləri, əhatə dairəsi barədə məlumat verilib. Layihənin icrası zamanı ətraf mühit və sosial məsələlərə dair tələblərdən, proqramın gözlənilən faydalarından, layihəyə müraciət qaydalarından bəhs olunub.
- Layihə çərçivəsində avadanlıqlarla təmin edilməklə kiçik bizneslərini quraraq uğurla davam etdirən şəxslərin bizneslərini genişləndirməsinə dəstək məqsədilə keçirilən “Həvəsləndirmə Mükafatı” müsabiqəsi və müsabiqədə iştirak şərtləri barədə də məlumatlar verilib.
- “Məşğulluğa dəstək” layihəsi həssas qruplara aid şəxslərin kiçik biznesə çıxışına imkan yaradır. Artıq 20 mindən çox şəxs layihə çərçivəsində aktivlərlə təmin olunaraq istehsal və xidmət sahələri üzrə kiçik bizneslərini yaradıb. Layihənin uğurlu icrasının nəticəsi olaraq bu ilin sonunadək həmin rəqəmin 25 minə çatdırılması planlaşdırılır.
13:19 01.02.2025
Oxunuş sayı: 5287
