Ekologiya

Muxtar Babayev meşəbərpa tədbirlərində iştirak edib

Ekologiya və təbii sərvətlər naziri Muxtar Babayev Yevlax və Ağdaşda keçirilən meşəbərpa tədbirlərində iştirak edib.
Meşəbərpa tədbirlərində eyni zamanda Ekologiya və Təbii Sərvətlər Nazirliyinin, Rayon İcra Hakimiyyətlərinin rəsmiləri, Meşələrin İnkişafı Xidmətinin və regional ekologiya idarələrinin əməkdaşları da iştirak edib.
Ölkə ərazisini əhatə edən meşəbərpa tədbirləri bu gün Yevlax və Ağdaş rayonlarının meşə fondu torpaqlarında keçirilib.
Nazir Yevlax rayonunun əvvəllər zərərverici və xəstəliklərə yoluxaraq qurumuş ərazisində keçirilən meşəbərpa tədbirində və Ağdaşda ağacəkmə əksiyasında iştirak edib. (report)