İran və Britaniya xarici işlər nazirləri telefonla danışıb
İran və Böyük Britaniyanın Xarici İşlər Nazirliyinin rəhbərləri arasında telefon danışığı olub.
Crossmedia.az xarici mediaya istinadən xəbər verir ki, İranın xarici işlər naziri Abbas Əraqçı Böyük Britaniyanın xarici işlər naziri Devid Lammi ilə nüvə sahəsində və regional hadisələrlə bağlı fikir mübadiləsi aparıb.
İranın nüvə fəaliyyəti ilə bağlı mövqeyini izah edən Əraqçı vurğulayıb ki, İran həmişə öz prinsipləri əsasında ölkənin milli maraqlarına uyğun dialoqa hazırdır.
Əraqçı Qəzza zolağı və Livanda atəşkəs rejiminin uzadılmasının tərəfdarı olduğunu bildirərək, İsrailin cinayətləri dayandırmasının vacibliyini vurğulayıb.
22:57 30.01.2025
Oxunuş sayı: 7348
