"Tağıyev" sənədli filminin qalası baş tutdu
Azərbaycanın görkəmli ictimai xadimi, xeyriyyəçi Hacı Zeynalabdin Tağıyevin həyatından bəhs edən "Tağıyev" sənədli filminin qalası baş tutdu.
Tədbir Azərbaycan və Türkiyənin Dövlət Himni ilə açıq elan olundu. Açılış nitqi söyləmək üçün söz Türkiyənin İHHA Humanitar Yardım Fondunun meneceri Yavuz Dedeye verildi.
"Bu gün çox özəl və gözəl bir təqdimatdayıq. Hacı Zeynalabdin Tağıyev böyük şəxsiyyətdir və onun gördüyü işlər də çox mühümdür. Bu baxımdan belə bir sənədli filmin hazırlanması mütləq idi. O eləcə də çox yaxşı bir tacir idi. Heç kimi, xüsusilə də gəncləri unutmayıb. Onlar üçün çox xeyrli işlərə vəsilə olub. Biz bu şəxsiyyəti uzun müddət keçməsinə baxmayaraq, yenə də xatırlamalıyıq. Belə bir sənədli film, gənclərimiz üçün də bir örnəkdir".
Ardınca, filmin yaradılmasında əməyi keçən digər təşkilatçı "Damla" aztəminatlı ailələrə qayğı ictimai birliyinin nümayəndəsi Şəms Əlizadə çıxış edərək, filmin ərsəyə gəlməsində əziyyəti keçən hər bir kəsə təşəkkürünü bildirdi.
Davamında, yaradıcı heyətə söz verildi.
Filmin prodüsseri Yavuz Yıldırım, rejissoru Abdulqafur Şahin, görüntü rejissoru Celal Topçu Hacı Zeynalabdin Tağıyev, o cümlədən film barəsində danışaraq yaradıcı heyət və fəaliyyəti ilə bağlı fikirlərini bölüşdülər.
Aytac Kərimova
Banuçiçək Kalbalıyeva
09:47 25.01.2025
Oxunuş sayı: 4967
