Nazirlikdə Apellyasiya Şurasının növbəti iclası keçirilib
Yanvarın 24-də nazir müavini Səadət Yusifovanın sədrliyi ilə Azərbaycan Respublikasının Mədəniyyət Nazirliyinin Apellyasiya Şurasının növbəti iclası keçirilmişdir. İclasda Apellyasiya Şurasının üzvləri – Rauf Axundov, Elçin Nəcəfov, Vüqar Məmmədov, Rəşad Əzizov, Gülər Mikayılova və Sərxan Rzayev iştirak etmişdir.
İclasda Azərbaycan Respublikası Mədəniyyət Nazirliyində vakant olan dövlət qulluğu vəzifələrinin tutulması ilə bağlı Dövlət İmtahan Mərkəzi tərəfindən keçirilmiş müsahibələrin nəticələrinə yenidən baxılması ilə bağlı 3 nəfər namizədin apellyasiya şikayətlərinə baxılmışdır.
İclas zamanı namizədlərin müsahibə ilə bağlı fikirləri dinlənilmiş, Dövlət İmtahan Mərkəzi tərəfindən təqdim edilmiş müsahibələrin videoçəkilişinə və sənədlərinə əsasən Şura üzvlərinin hazırladığı rəyləri müzakirə olunmuşdur. Sonda Apellyasiya Şurasının üzvlərinin səsverməsinə əsasən iclasda baxılan məsələlərə dair Qərarlar qəbul edilmişdir.
Nailə Məmmədova, Səbinə Məmmədova və Cavanşir Ramazanovun şikayəti ilə əlaqədar Apellyasiya Şurasında qəbul edilən Qərara əsasən həmin namizədlərlə əvvəl keçirilmiş müsahibənin nəticəsi dəyişdirilmədən saxlanılmışdır.
09:05 25.01.2025
Oxunuş sayı: 16933
