Gündəm

Bakıda 2025-ci ilin Beynəlxalq Sülh və Etimad İli elan edilməsi münasibətilə konfrans keçirilib

Türkmənistanın Azərbaycandakı səfirliyində 2025-ci ilin Beynəlxalq Sülh və Etimad İli elan edilməsinə həsr olunmuş konfrans keçirilib.
Crossmedia.az xəbər verir ki, tədbirdə Azərbaycan Milli Elmlər Akademiyasının elm xadimləri, yerli kütləvi informasiya vasitələrinin nümayəndələri, Türkmənistan vətəndaşları, həmçinin Azərbaycanda təhsil alan türkmənistanlı tələbələr iştirak ediblər.
İştirakçılar Türkmənistanın daimi bitərəfliyinin tarixi və əhəmiyyəti barədə danışıblar. Səfir Qurbanmammet Elyasov çıxışında Türkmənistanın təklif etdiyi bir neçə konkret tədbir və onların həyata keçirilməsi üçün Beynəlxalq Sülh və Etimad İli çərçivəsində Türkmənistanın fəaliyyət və prioritetlər Konsepsiyası barədə məlumat verib.
Tədbir iştirakçılarına həmçinin 2025-ci ilin dekabrında Aşqabad şəhərində Beynəlxalq Bitərəflik Gününə və Türkmənistanın Daimi Bitərəfliyinin 30 illik yubileyinə həsr olunmuş böyük beynəlxalq forumun keçirilməsinə hazırlıq barədə məlumat verilib. Tədbirin sonunda iştirakçılar Türkmənistan xalqının Milli Liderinə, Xalq Məsləhətinin (parlament) sədrinə, həmçinin Türkmənistan Prezidentinə təşəkkürlərini bildiriblər.