"Kimsə məhkəməyə təzyiq edə bilməz"
Bu məhkəmə prosesinin Ermənistan-Azərbaycan münasibətlərinə, sülh prosesinə hər hansı təsir göstərəcəyini hesab etmirəm. Ermənistan rəsmiləri bu haqda etiraz bildirmirlər və bildirə də bilməzlər. Konkret ittiham var və ona görə də onlar məhkəmə prosesinə cəlb olunublar.
Bu sözləri Beynəlxalq Münasibətlərin Təhlili Mərkəzinin idarə heyətinin sədri Fərid Şəfiyev Azərbaycanda hərbi cinayətlərdə ittiham olunan ermənilərin məhkəməsi barədə danışarkən deyib.
Onun sözlərinə görə, ictimaiyyətin diqqət mərkəzində olan məhkəmə prosesi həqiqətlərin ortaya çıxarılmasına yönəlib:
“Ermənistan hökuməti birbaşa deyil, diaspor vasitəsi ilə bu məsələni Qərb mediasında bizə qarşı qaldırmağa çalışır. Ənənəvi olaraq, Azərbaycana qarşı bəzi məqalələr çıxacaq, səs-küy edəcəklər. Amma bununla bağlı hər hansı dövlətin mənfi reaksiyası ola bilməz. Bu, ədalətli məhkəmə olacaq. 30 il ərzində xalqımıza qarşı soyqırım, dağıntılar baş verib. Bir milyon qaçqınımız olub. Bununla bağlı həqiqətlərin ortaya çıxarılması, cinayəti törədənlərin məsuliyyətə cəlb olunması ədalətin bərpasıdır və kimsə məhkəməyə təzyiq edə bilməz”. (axar.az)
04:21 18.01.2025
Oxunuş sayı: 13183
