İran ABŞ ilə danışıqlarda mövqeyini sərtləşdirib
İran ABŞ-də keçirilən aralıq seçkilərdən sonra Vaşinqtonla danışıqlarda daha sərt mövqe tutmağa başlayıb.
Crossmedia.az xəbər verir ki, "The New York Times" bu barədə məlumat yayıb.
Bildirilib ki, Tehran Respublikaçılar Partiyasının seçkilərdə ciddi məğlubiyyətini ABŞ Prezidenti Donald Trampın İranla müharibəni idarə etməsinə seçicilərin narazılığı kimi qiymətləndirir.
İran rəhbərliyi hesab edir ki, seçkilərin nəticələri Tramp administrasiyasına siyasi təzyiqi artırıb və danışıqlarda Tehranın mövqeyini gücləndirib.
Məlumata görə, İran tərəfi bu vəziyyətdən istifadə edərək mümkün sülh razılaşması üçün daha sərt şərtlər irəli sürür.
Tehran Vaşinqtonun münaqişənin həlli istiqamətində ilk addımı atmasını tələb edir.
13:32 18.11.2026
Oxunuş sayı: 97