Rusiya MN: Ukrayna ordusu sutka ərzində 1120 hərbçi itirib
Rusiya Müdafiə Nazirliyi Ukrayna ordusunun son sutka ərzində təxminən 1120 hərbçi itirdiyini iddia edib.
Crossmedia.az xəbər verir ki, bu barədə Rusiya Müdafiə Nazirliyinin növbəti brifinqində məlumat verilib.
Bildirilib ki, Rusiya Silahlı Qüvvələri son 24 saat ərzində Ukrayna Silahlı Qüvvələrinin maraqları naminə istifadə olunan hərbi aerodromlara, enerji və nəqliyyat infrastrukturu obyektlərinə zərbələr endirib.
Rusiya Müdafiə Nazirliyinin məlumatına görə, hava hücumundan müdafiə sistemləri sutka ərzində üç idarəolunan aviasiya bombası, HIMARS reaktiv yaylım atəş sistemi mərmisi və təyyarə tipli 1065 pilotsuz uçuş aparatını vurub.
Qeyd edək ki, bu məlumatlar Rusiya Müdafiə Nazirliyinin açıqlamasına əsaslanır və müstəqil mənbələr tərəfindən təsdiqlənməyib.
16:27 15.11.2026
Oxunuş sayı: 153