Xarici xəbərlər

“Porsche” ailəsinin nümayəndəsi Gerhard Porşe 88 yaşında vəfat edib

Alman avtomobil sənayesi ilə tanınan Porşe ailəsinin nümayəndəsi, şirkətin banisi Ferdinand Porşenin nəvəsi Gerhard Porşe 88 yaşında dünyasını dəyişib.

Crossmedia.az xəbər verir ki, TASS bu barədə mərhumun ailəsinin “Schoosleitner Bestattung” dəfn bürosunun saytında yayımlanan məlumatına istinadən xəbər verib.

Ailə məlumatında Gerhard Porşenin 2026-cı il oktyabrın 30-da yaxınlarının əhatəsində vəfat etdiyi bildirilib.

Gerhard Porşe Ferry Porşenin oğlu, Porsche AG və Porsche Automobil Holding SE şirkətlərinin müşahidə şuralarının sədri Volfqanq Porşenin qardaşı olub. O, qardaşından fərqli olaraq, ictimaiyyət qarşısında nadir hallarda görünürdü.

Gerhard Porşe Avstriyanın Karintiya bölgəsində 2010-cu ildə açılan avtomobil muzeyi yaradıb. Muzeydə “Porsche”, “Rolls-Royce”, “Bentley” markalarının nadir modelləri, yarış avtomobilləri və motosikletlər nümayiş olunur.

Mövzular:

Gerhard Porşe Ferdinand Porşe Porsche Volfqanq Porşe

🖨 Çap et

14:00 08.11.2026

Oxunuş sayı: 34