Xarici xəbərlər
Peskov: Rusiya Avropa ilə təhlükəsizlik sazişi barədə danışıqlar aparmayıb
Rusiya təhlükəsizlik sazişi ilə bağlı Avropa ölkələri ilə heç bir təmas qurmayıb, bu mövzuda avropalılarla əlaqə saxlayan tərəf ABŞ olub.
Crossmedia.az xəbər verir ki, TASS bu barədə Rusiya prezidentinin mətbuat katibi Dmitri Peskovun açıqlamasına istinadən məlumat yayıb.
Peskov bu barədə “Vesti” telekanalının jurnalisti Pavel Zarubinə şərhində bildirib. Onun sözlərinə görə, Rusiyanın məlumatına əsasən, ABŞ rəsmiləri avropalılarla müvafiq mövzuda təmaslar qurublar.
“Bizim avropalılarla heç bir əlaqəmiz olmayıb. Belə mürəkkəb mövzu ilə bağlı onlarla heç bir müzakirə aparılmayıb”, – deyə Peskov vurğulayıb.
13:32 08.11.2026
Oxunuş sayı: 52
