Xarici xəbərlər
Günəşdə M1.7 sinifli alışma qeydə alınıb
Günəşdə noyabrın 8-də səhər saatlarında M sinfinə aid güclü alışma baş verib.
Crossmedia.az xəbər verir ki, TASS bu barədə Tətbiqi Geofizika İnstitutuna istinadən məlumat yayıb.
İnstitutun məlumatına görə, alışma Moskva vaxtı ilə saat 10:46-da 4566 nömrəli ləkələr qrupunda qeydə alınıb və 29 dəqiqə davam edib. Hadisənin gücü M1.7 səviyyəsində qiymətləndirilib.
Qeyd edək ki, noyabrın 7-də Günəşdə M sinfinə aid üç alışma qeydə alınıb.
Günəş alışmaları rentgen şüalanmasının gücünə görə A, B, C, M və X olmaqla beş sinfə bölünür. Hər növbəti sinifdə şüalanmanın gücü əvvəlki ilə müqayisədə 10 dəfə artır.
Bu cür alışmalar Günəş plazmasının kosmosa atılması ilə müşayiət oluna bilər. Plazma buludları Yerə çatdıqda maqnit qasırğalarına səbəb ola bilər.
13:22 08.11.2026
Oxunuş sayı: 51
