Aİ ölkələrinin Kiyevdəki səfirlikləri fəaliyyətini davam etdirir
Avropa İttifaqına üzv ölkələrin Kiyevdəki bütün səfirlikləri Rusiya tərəfindən səsləndirilən təhdidlərə baxmayaraq fəaliyyətini davam etdirir.
Crossmedia.az xəbər verir ki, Aİ-nin Ukraynadakı səfiri Katarina Maternovanın sözlərini “European Pravda” yayıb.
Onun sözlərinə görə, Kiyevdə səfirliyi fəaliyyət göstərən 25 Aİ üzvü diplomatik nümayəndəliyini şəhərdə saxlayır. Bundan əlavə, Avropa İttifaqının Məşvərət Missiyası da fəaliyyətini davam etdirir.
Maternova bildirib ki, Rusiya tərəfinin diplomatik nümayəndəliklərə yönəltdiyi təhdidlər, onun fikrincə, döyüş meydanında üstünlük əldə edə bilməməsindən yaranan məyusluqla bağlıdır.
Səfir Aİ ölkələrinin Kiyevdə diplomatik fəaliyyətini davam etdirməsinin Ukraynaya siyasi və diplomatik dəstəyin göstəricisi olduğunu vurğulayıb.
17:32 04.10.2026
Oxunuş sayı: 55
