Efiopiyada strateji hava limanı hökumət qüvvələrinin nəzarətinə keçib
Efiopiyada hökumət qüvvələrinin Tiqray bölgəsinin paytaxtı Mekele şəhərində yerləşən Alula Aba Nega Beynəlxalq Hava Limanını üsyançılardan geri aldığı bildirilir.
Crossmedia.az xəbər verir ki, “The Associated Press” bu barədə məlumat yayıb.
Tiqray Xalq Azadlıq Cəbhəsinin (TPLF) yerli qüvvələri sentyabrın 23-dən hava limanına nəzarət edirdi. Bu səbəbdən bölgədə mülki aviareyslər tamamilə dayandırılmışdı.
Adının açıqlanmasını istəməyən Efiopiya generallarından biri hərbçilərin hava limanına tam nəzarət etdiyini təsdiqləyib.
Bununla belə, məlumatı təqdim edən mənbələr təhlükəsizlik səbəbindən adlarını açıqlamayıb. Həmçinin şəhərin hazırda kimin nəzarətində olduğu ilə bağlı qeyri-müəyyənlik qalır.
Tiqray bölgəsində internet və mobil rabitənin ciddi şəkildə kəsilməsi də hadisə ilə bağlı məlumatların toplanmasını və müstəqil şəkildə yoxlanılmasını çətinləşdirir.
Efiopiya hökuməti və TPLF isə Alula Aba Nega hava limanının ələ keçirilməsi ilə bağlı hələlik rəsmi açıqlama verməyib.
14:54 04.10.2026
Oxunuş sayı: 40
