Kanye Uestin Rusiyadakı konsertləri qalmaqala çevrildi
ABŞ-li reper Kanye Uestin Rusiyada keçirilməsi planlaşdırılan konsertlərinin təşkilatçısı olan şirkətin hesablarına məhkəmə qərarı əsasında həbs qoyulub.
Crossmedia.az xəbər verir ki, TASS bu barədə məlumat yayıb.
Məlumata görə, “Say Agency” şirkətinin hesablarına 115,5 min rubl məbləğində həbs tətbiq edilib. “Kontur.Fokus” xidmətinin məlumatına əsasən, icra icraatının başlanmasına Samara şəhərinin Oktyabr rayon məhkəməsi tərəfindən verilmiş icra sənədi səbəb olub.
İddia istehlakçı hüquqlarının müdafiəsi ilə bağlıdır. Məhkəməyə müraciət edən şəxs Sankt-Peterburqda Kanye Uestin ləğv edilən konsertinə bilet alıb. İş üzrə əvvəlcə konsertlərin keçirilməsi planlaşdırılan “Zenit-Arena” və biletlərin satışını həyata keçirən “İntikets” şirkətləri də üçüncü tərəf qismində cəlb olunub.
Bundan əvvəl Kanye Uestin Rusiyada konsertlərinin keçirilməsinə qadağa qoyulmasının mümkün səbəbi açıqlanıb. Rusiya Xarici İşlər Nazirliyinin rəsmi nümayəndəsi Mariya Zaxarova reperin ölkənin heç bir şəhərində konsert keçirə bilməyəcəyini bildirib.
14:15 04.10.2026
Oxunuş sayı: 43
