“Birliyin Gücü – 2026” təlimlərində şərti terrorçular zərərsizləşdirilib
"Birliyin Gücü – 2026" birgə hərbi təlimi çərçivəsində Azərbaycan, Türkiyə və Özbəkistan hərbçiləri şərti terrorçuların zərərsizləşdirilməsi üzrə fəaliyyətlər icra ediblər.
Crossmedia.az xəbər verir ki,bu barədə Müdafiə Nazirliyindən məlumat verilib.
Bildirilib ki, iştirakçı ölkələrin bölmələri helikopterlərdən desantın endirilməsi, operativ mövqe tutaraq şərti terrorçu qruplaşmalarının zərərsizləşdirilməsi üzrə fəaliyyətləri müvəffəqiyyətlə icra ediblər.
Tapşırıqların icrası zamanı Azərbaycan, Türkiyə və Özbəkistandan olan hərbi qulluqçular yüksək peşəkarlıq və koordinasiya nümayiş etdiriblər.
Qeyd edək ki, məşqdə əsas diqqət iştirakçıların praktiki vərdişlərinin təkmilləşdirilməsi, aviasiya vasitələrinin şəxsi heyətlə uzlaşmış fəaliyyətinə nail olunması və təlimdə qarşıya qoyulmuş tapşırıqların uğurla yerinə yetirilməsinə yönəldilib.
18:56 24.09.2026
Oxunuş sayı: 47
