Xarici xəbərlər

Rusiyaya qarşı sanksiyalar ABŞ Demokratlarını üz-üzə qoydu

ABŞ Demokratlar Partiyasında Rusiyaya qarşı yeni sanksiyalar nəzərdə tutan qanun layihəsi ilə bağlı fikir ayrılığı yaranıb.

Crossmedia.az xəbər verir ki, Axios-un məlumatına görə, Nümayəndələr Palatasında demokratların rəhbərliyi bu həftə səsverməyə çıxarılacaq qanun layihəsinə qarşı çıxsa da, partiya daxilində bəzi deputatlar sənədi dəstəkləməyə hazırdır.

Qanun layihəsi ABŞ prezidentinə Rusiyanın əsas neft alıcılarına qarşı 100 faizə qədər gömrük rüsumları tətbiq etmək səlahiyyəti verə bilər. Demokratlar Rusiyaya təzyiqlərin artırılmasını dəstəkləsələr də, bu səlahiyyətlərin prezidentin ticarət siyasətində imkanlarını həddindən artıq genişləndirəcəyindən narahatdırlar.

Sənəd daha əvvəl Senatda geniş dəstəklə təsdiqlənib, lakin Nümayəndələr Palatasında onun taleyi Demokratlar arasındakı fikir ayrılığı səbəbindən qeyri-müəyyən olaraq qalır.

Mövzular:

ABŞ Demokratlar Partiyası ABŞ Nümayəndələr Palatası Senat səsvermə Rusiya neft alıcıları

🖨 Çap et

21:42 15.09.2026

Oxunuş sayı: 49