Xarici xəbərlər

ABŞ-də sursat ehtiyatları tarixdə ən aşağı səviyyəyə düşüb

ABŞ-nin kritik əhəmiyyətli sursat ehtiyatları tarixdə ən aşağı səviyyəyə çatıb.

Crossmedia.az xəbər verir ki, bu barədə “The New York Times” məlumat yayıb.

Nəşrin məlumatına görə, xüsusilə “Patriot” hava hücumundan müdafiə sistemləri üçün nəzərdə tutulan raketlərin ehtiyatlarının azalması ciddi narahatlıq doğurur. Yazın sonuna qədər döyüş bölgələrindən birində 100-dən az “Patriot” raketinin qaldığı bildirilir.

Bununla yanaşı, ABŞ ordusunun taktiki raket sistemləri və yüksək dəqiqlikli zərbə raketlərinin ehtiyatlarının da əhəmiyyətli dərəcədə azaldığı qeyd olunub.

Məlumata görə, ABŞ vitse-prezidenti Cey Di Vens yaz və yay aylarında Yaxın Şərq, Avropa və Asiyada amerikalı hərbçilərlə görüşərək silah ehtiyatlarının vəziyyəti barədə məlumat alıb.

ABŞ Prezidenti Donald Trampın da ölkədəki sursat çatışmazlığı və İran qüvvələrinin müqaviməti ilə bağlı hərbi rəhbərlikdən hesabatlar aldığı bildirilib.

Mövzular:

ABŞ kritik The New York Times Cey Di Vens vitse-prezi raket Asiya

🖨 Çap et

22:33 11.09.2026

Oxunuş sayı: 65