Xarici xəbərlər

Britaniya hökuməti süni intellekt üçün “kill switch” təklifini rədd edib

Böyük Britaniya hökuməti təhlükəli süni intellekt hücumlarının qarşısını almaq üçün AI modellərini fövqəladə vəziyyətdə söndürməyə imkan verən mexanizmin yaradılmasını dəstəkləmir.

Crossmedia.az xəbər verir ki, bu barədə BBC məlumat yayıb.

Təklif son həftələrdə Lordlar Palatası və İcmalar Palatasının bəzi üzvləri tərəfindən parlamentə təqdim edilib. Buna səbəb süni intellekt texnologiyasının yarada biləcəyi təhlükələrlə bağlı narahatlıqların artmasıdır.

Hökumətin AI təhlükəsizliyinə cavabdeh Kabinet Ofisi bildirib ki, Böyük Britaniya “sadəcə süni intellekti söndürə bilməz”. Qurumun sözçüsünün sözlərinə görə, ölkədə AI modellərinə çıxışın məhdudlaşdırılması onların başqa ölkələrdə hazırlanmasının və ya sui-istifadəsinin qarşısını almayacaq.

Keçmiş “OpenAI” tədqiqatçısı Daniel Kokotajlo da beynəlxalq razılaşma olmadan bir ölkənin hüquqi və ya texniki “kill switch” yaratmasının real olmadığını bildirib.

Mövzular:

Böyük Britaniya Lordlar Palatası İcmalar Palatası Daniel Kokotajlo

🖨 Çap et

23:01 11.09.2026

Oxunuş sayı: 235