Xoruldayan insanla yatmaq sağlamlığa təsir edə bilər
Xoruldayan insanın yanında yatmaq yuxunun keyfiyyətini poza, ertəsi gün diqqət və yaddaş problemlərinə, həmçinin stress hissinə səbəb ola bilər.
Crossmedia.az xəbər verir ki, “BBC” bu barədə məlumat yayıb.
Xoruldama kifayət qədər geniş yayıldığından, problem çox vaxt müalicə tələb etməyən adi narahatlıq kimi qəbul edilir. Lakin mütəxəssislər bildirirlər ki, xoruldayan şəxslə eyni yataqda yatmaq onun partnyorunun sağlamlığına da təsir göstərə bilər.
Yuxu üzrə stomatoloji tibb sahəsində ixtisaslaşan həkim Kler Saymonun sözlərinə görə, xoruldama yuxu zamanı yuxarı tənəffüs yollarındakı yumşaq toxumaların titrəməsi nəticəsində yaranır.
Britaniyanın Xoruldama və Yuxu Apnesi Assosiasiyasının məlumatına görə, Böyük Britaniyada yetkin əhalinin təxminən 40 faizi xoruldayır. Problem kişilərdə qadınlara nisbətən daha çox müşahidə olunur.
ABŞ-də “Sleep Foundation” tərəfindən aparılan sorğuya əsasən, xoruldayan partnyoru olan insanların 75 faizi onun yuxularına təsir etdiyini bildirib.
18:22 11.09.2026
Oxunuş sayı: 52
