İdman
"Kəpəz"in futbolçusu Dioqo Verdaska altı həftəlik sıradan çıxıb
"Kəpəz"in kapitanı Dioqo Verdaska uzun müddət yaşıl meydanlardan kənarda qalacaq.
Crossmedia.az xəbər verir ki, bu barədə klub məlumat yayıb.
Buna səbəb portuqaliyalı müdafiəçinin dünən məşq zamanı zədələnməsidir.
Tibbi müayinədən keçən 29 yaşlı futbolçunun sağ bud əzələsində 14 sm uzunluğunda yırtıq aşkarlanıb. "Kəpəz"in tibbi heyətinin protokoluna əsasən, Verdaskanın müalicəsi 6 həftə davam edəcək.
17:08 10.09.2026
Oxunuş sayı: 43
