Xarici xəbərlər

Ukrayna Rusiyaya kütləvi zərbələr endirdi

Rusiyanın hava hücumundan müdafiə qüvvələri gecə saatlarında ölkənin müxtəlif regionları üzərində 596 Ukrayna pilotsuz uçuş aparatını (PUA) məhv edib.

Crossmedia.az xəbər verir ki, Rusiya Müdafiə Nazirliyi bu barədə “Telegram” kanalında məlumat yayıb.

Məlumata görə, PUA-lar Rostov, Tula, Ulyanovsk və Kaluqa vilayətləri, Krasnodar diyarı və Krım üzərində, həmçinin Qara dənizin akvatoriyasında vurulub.

Nazirliyin məlumatında kütləvi PUA hücumunun nəticələri, o cümlədən mümkün dağıntı və itkilərlə bağlı məlumat verilməyib.

Bundan əvvəl Sverdlovsk vilayətində də PUA təhlükəsi rejiminin tətbiq edildiyi bildirilib. Rusiya Müdafiə Nazirliyi həmin regiona hücum cəhdi barədə məlumat yaymayıb.

Mövzular:

Rusiya PUA Rostov Krım Ukrayna Rusiya Müdafiə Nazirliyi itkilər Sverdlovsk vilayəti

🖨 Çap et

10:43 09.09.2026

Oxunuş sayı: 52