Tramp Kanadaya qarşı sərtləşdi: Bir sıra məhsulların idxalı qadağan edilir
ABŞ prezidenti Donald Tramp Kanadanın cavab tarifləri fonunda bir sıra Kanada məhsullarının idxalını qadağan edib.
Crossmedia.az xəbər verir ki, BBC bu barədə məlumat yayıb.
Qadağa alkoqollu içkilər, süd məhsulları və motosikletlər də daxil olmaqla bir sıra Kanada mallarını əhatə edir. Qərarın sentyabrın 29-dan qüvvəyə minəcəyi bildirilir.
Tramp çərşənbə axşamı imzaladığı bir sıra sərəncamlarda Kanadanı ABŞ-a qarşı ayrı-seçkilik etməkdə ittiham edib.
Həmin gün Kanada Baş naziri Mark Karni ölkəsinin ABŞ-dan ən böyük ticarət tərəfdaşı kimi uzaqlaşmasının müəyyən xərclərə səbəb olacağını bildirib.
ABŞ və Kanada rəsmiləri ticarət sazişi əldə etmək istədiklərini açıqlasalar da, avqustun sonlarında danışıqların nəticəsiz başa çatmasından sonra yeni görüş keçirilməyib.
Ağ Ev tərəfindən tətbiq edilən yeni tədbirlər ABŞ-Kanada arasında aylar ərzində davam edən ticarət müharibəsinin növbəti mərhələsi kimi qiymətləndirilir. İki ölkə tarixən yaxın müttəfiqlər olmaqla yanaşı, bir-birinin əsas ticarət tərəfdaşlarıdır.
Kanadanın ümumi ixracının üçdə ikisindən çoxu ABŞ-a yönəlir. ABŞ üçün isə Kanada Meksikadan sonra ikinci ən böyük ticarət tərəfdaşıdır, lakin ABŞ-ın ixrac bazarları daha çox şaxələndirilib.
10:00 09.09.2026
Oxunuş sayı: 62
