Xarici xəbərlər

İran və Rusiya arasında iqtisadi əməkdaşlıq müzakirə olunub

İran və Rusiyanın iqtisadiyyat nazirləri Moskvada iki ölkə arasında iqtisadi və ticarət əlaqələrinin genişləndirilməsi məsələlərini müzakirə ediblər.

Crossmedia.az xəbər verir ki, İranın Moskvadakı səfiri Kazım Cəlali bu barədə açıqlama verib.

Cəlalinin sözlərinə görə, İran İslam Respublikası və Rusiya Federasiyasının iqtisadiyyat nazirləri Moskvada konstruktiv və məhsuldar danışıqlar aparıblar.

Diplomat bildirib ki, İran hökuməti Rusiya ilə münasibətlərin möhkəmləndirilməsində qətidir.

Cəlali Rusiyanın İran üçün əhəmiyyətli iqtisadi potensiala malik olduğunu vurğulayıb. Onun sözlərinə görə, Rusiyadan zəruri məhsulların alınması iki ölkə arasında əməkdaşlığın istiqamətlərindən biridir.

Səfir son illərdə İran və Rusiya arasında ticarət mübadiləsinin müsbət dinamika nümayiş etdirdiyini qeyd edib. O bildirib ki, böyük Rusiya bazarının imkanlarından istifadə etməklə iki ölkə arasında ticarətin inkişafı istiqamətində ciddi işlərə başlanılıb.

Mövzular:

İran Rusiya Kazım Cəlali Moskva iqtisadi əməkdaşlıq

🖨 Çap et

12:57 08.09.2026

Oxunuş sayı: 38