Putin və ABŞ nümayəndələri arasında mühüm görüş keçirildi
Rusiya Prezidenti Vladimir Putin ABŞ prezidentinin nümayəndələri Stiv Uitkoff və Cared Kuşnerlə görüşüb.
Crossmedia.az xəbər verir ki, bu barədə Rusiya Prezidentinin köməkçisi Yuri Uşakov məlumat verib.
Uşakovun sözlərinə görə, görüş məzmunlu, son dərəcə səmimi və məxfi şəraitdə keçirilib. ABŞ nümayəndələri Ukrayna münaqişəsinin mümkün həlli ilə bağlı bir sıra mülahizələr irəli sürüblər.
Rusiya tərəfi isə hərbi əməliyyatlar zonasındakı vəziyyətlə bağlı mövqeyini təqdim edib və Rusiya ordusunun əldə etdiyi uğurları qeyd edib.
Uşakov bildirib ki, Putin Ukrayna münaqişəsinin həlli ilə bağlı ABŞ ilə konstruktiv dialoqa sadiqliyini təsdiqləyib.
Onun sözlərinə görə, Uitkoff və Kuşner Kiyevdə keçirdikləri təmaslar zamanı Rusiya prezidentindən aldıqları qiymətləndirmələrdən istifadə edəcəklərini bildiriblər.
Uşakov həmçinin qeyd edib ki, Rusiya və ABŞ prezidentləri şəxsi əlaqələri davam etdirəcəklər.
10:36 06.09.2026
Oxunuş sayı: 62
