Xarici xəbərlər

İran Silahlı Qüvvələrindən Yaxın Şərq ölkələrinə xəbərdarlıq

İran Silahlı Qüvvələrinin Baş Qərargahı Yaxın Şərq ölkələrinə ABŞ-nin İrana qarşı mümkün hərbi əməliyyatlarında onların hava məkanından və ərazisindən istifadəyə icazə verməmələri barədə xəbərdarlıq edib.

Crossmedia.az xəbər verir ki, bəzi region ölkələri əvvəlki xəbərdarlıqlara baxmayaraq, ABŞ qüvvələrinin öz ərazilərindən İrana qarşı hərbi əməliyyatlar həyata keçirməsinə şərait yaradır.

İran tərəfi ABŞ-nin hücumlarının davam edəcəyi təqdirdə daha sərt cavab tədbirlərinin görüləcəyini vurğulayıb. İran Silahlı Qüvvələri əvvəlki gecə həyata keçirilən cavab zərbələrindən daha ağır tədbirlərin mümkün olduğunu qeyd edib.

Bəyanatda həmçinin bildirilib ki, Tehran qonşu ölkələrin milli suverenliyinə hörmət edir. Bununla belə, İran hər hansı hücumun mənbəyini hədəfə almaq hüququnu özündə saxladığını açıqlayıb.

Xatırladaq ki, ABŞ və İran arasında gərginlik son günlər yenidən artıb. Avqustun 30-da ABŞ qüvvələri Hörmüz boğazı yaxınlığındakı İranın Larak adasında raket buraxılış qurğularına zərbələr endirib.

Mövzular:

İran İran Silahlı Qüvvələri Yaxın Şərq ABŞ hərbi bazalar Tehran regionda gərginlik

🖨 Çap et

12:26 01.09.2026

Oxunuş sayı: 43