Rusiya Böyük Britaniyanı ittiham etdi: Odun üstünə benzin tökür
Rusiya Böyük Britaniyanın Ukraynaya uzaqmənzilli raketlərin hazırlanması üçün məxfi texniki məlumatlar verməsini münaqişənin daha da gərginləşdirilməsi kimi qiymətləndirib.
Crossmedia.az xəbər verir ki, “Reuters” bu barədə məlumat yayıb. Moskvanın reaksiyası Böyük Britaniyanın Baş naziri Endi Börnhəmin Kiyevə səfəri zamanı Ukraynaya raket texnologiyası ilə bağlı məlumatların təqdim ediləcəyini açıqlamasından sonra gəlib.
Britaniya hökuməti müdafiə şirkəti MBDA-ya Ukraynaya Böyük Britaniya istehsalı komponentlərdən istifadə olunan SCALP/Storm Shadow raketləri ilə bağlı texniki məlumatların ötürülməsinə icazə verib. Məqsəd Ukraynanın gələcəkdə bu tip uzaqmənzilli raketləri ölkə daxilində istehsal edə bilməsinə şərait yaratmaqdır.
Kremlin sözçüsü Dmitri Peskov Londonun bu addımını “odun üstünə benzin tökmək” kimi qiymətləndirib və Böyük Britaniyanın münaqişəyə cəlb olunmasının dərinləşdiyini bildirib. Moskva həmçinin Ukraynada raket istehsalı üçün yaradılacaq müəssisələrin mümkün hədəflər kimi nəzərdən keçirildiyini açıqlayıb. Börnhəm isə Rusiyanın təhdidlərinə baxmayaraq, Böyük Britaniyanın Ukraynaya dəstəyinin davam edəcəyini bildirib. O, Kiyevdə Ukrayna Prezidenti Volodimir Zelenski ilə görüşüb və Londonun hərbi və texnoloji əməkdaşlığı genişləndirmək niyyətini təsdiqləyib. Böyük Britaniya və Fransa eyni zamanda Ukraynada uzaqmənzilli raketlərin yığılması üçün istehsal xətlərinin yaradılmasına dəstək göstərir.
15:57 25.08.2026
Oxunuş sayı: 52
