Xarici xəbərlər

İngiltərədə 70 mindən çox sosial və əlçatan mənzil tikiləcək

İngiltərədə qarşıdakı 10 il ərzində 70 mindən çox sosial və əlçatan mənzilin tikintisi planlaşdırılır.

Crossmedia.az xəbər verir ki, “BBC” bu barədə məlumat yayıb. Hökumət mənzil böhranının həlli məqsədilə layihənin ilk mərhələsi üçün təxminən 10 milyard funt sterlinq vəsait ayırıb. Yeni mənzillərin Böyük Mançester, Qərbi Midlend, Qərbi Yorkşir, Cənubi Yorkşir, Şimal-Şərqi İngiltərə və Liverpulda inşa ediləcəyi bildirilib. London üçün isə daha əvvəl əlavə 6 milyard funt sterlinq maliyyə ayrıldığı açıqlanıb.

Bu, hökumətin 39 milyard funt sterlinqlik sosial mənzil tikintisi proqramı çərçivəsində ölkə üzrə ümumilikdə 300 min sosial və əlçatan evin inşasını nəzərdə tutan daha geniş planın ilk mərhələsidir. Açıqlanan yeni mənzillərin 60 faizinin sosial kirayə üçün nəzərdə tutulacağı bildirilib. Bununla belə, mənzil və xeyriyyə təşkilatları planı müsbət qarşılasa da, mövcud tələbatın qarşılanması üçün bunun kifayət etmədiyini qeyd ediblər.

Mövzular:

İngiltərə sosial mənzil əlçatan mənzil mənzil böhranı Böyük Mançester London

🖨 Çap et

13:22 25.08.2026

Oxunuş sayı: 51