Nokia-dan rekord batareyalı yeni düyməli telefon təqdim edib
Əfsanəvi Nokia brendi, hazırda HMD Global-a məxsus olmaqla, Nokia 300 Charge adlı yeni düyməli telefonunu təqdim edib.
Crossmedia.az bu barədə ˝Unian˝a istinadən xəbər verir.
Modelin əsas xüsusiyyəti bu tip cihaz üçün olduqca böyük olan 3700 mAs batareyasıdır.
İstehsalçının məlumatına görə, telefon bir dəfə doldurulduqdan sonra 37 saata qədər danışıq və 40 gündən çox gözləmə rejimində işləyə bilir. Batareyanın tutumu bir çox müasir düyməli telefonlardan iki dəfədən çox böyükdür və bu göstəriciyə görə iPhone 17-nin batareyası ilə müqayisə edilə bilər.
Nokia 300 Charge digər cihazları da enerji ilə təmin edə bilir. USB-C vasitəsilə 10 Vt gücündə əks enerji ötürülməsini dəstəkləyən telefonun korpusunda bu funksiyanı aktivləşdirmək üçün ayrıca Out düyməsi yerləşdirilib. Beləliklə, cihaz müəyyən mənada powerbank kimi də istifadə oluna bilər.
Telefonun digər diqqətçəkən xüsusiyyəti güclü fənəridir. HMD-nin iddiasına görə, cihazın üst hissəsində yerləşən fənər Nokia 105-dən dörd dəfə, iPhone 17 Pro-dan isə iki dəfə daha parlaq işıq saçır. Telefonda həmçinin 320×240 piksel təsvir ölçülü kamera da var.
Nokia 300 Charge 2,4 düymlük 320×240 piksel LCD ekranla təchiz edilib və Unisoc SC6531E çipi əsasında S30+ əməliyyat sistemi ilə işləyir. Operativ və daxili yaddaşın həcmi cəmi 4 MB-dır. Bununla belə, 32 GB-a qədər microSD yaddaş kartı dəstəyi və 3,5 mm qulaqlıq girişi mövcuddur.
Telefon teksturalı yan səthlərə malik bucaqlı korpusla hazırlanıb və üç rəng variantında təqdim olunur. Model bəzi bazarlarda artıq 35 dollara satılır.
Qeyd edək ki, Nokia 2025-ci ilin oktyabrında smartfon və klassik düyməli telefon funksiyalarını birləşdirən hibrid telefon da təqdim etmişdi.
00:30 25.08.2026
Oxunuş sayı: 44
